Lilóm lí ɓákókō
Mpɔ́t á ɓakókō ág pɔ́tɓɛ á épah-ékombo yé Sáwá, á mítūŋgá mí Sanága Maritime, Vurí, Múŋgo la Ŋkam, la á épah-ḛkombo yé Ŋkɛɛ, á lítūŋgá lí Túwɛ. lilóm lí ɓákókō lí byɛ́ɛ jóom lí mílōmɛ la mínáa mí mí lɛ́ múŋ á míŋ mitúŋga, ndí jóom lí mílómɛ nɛ́ mí ŋga pɔ́t ŋkógō (Adiɛ, Yakálág, Yasúk, Yapɔma, Yawánda, Yaɓóŋ, Liɓómbálí, Bisɔɔ, Mbáŋ, Liɓóm). Á lítūŋgá lí Sáwá, Ɓakókō bí byáŋɛ la Ɓalemba la Póŋgó á étun ɛ́ Sanága nyí sí, bí byáŋɛ ki la Likoo ndí la Liválá á m̀mím á lítūŋgá. Bí byáŋɛ ki la Ɓatáŋga ndí la Ɓatí á ŋkɛɛ á é́pah-ékombo.
Ɔku
COCUBA ɛ lɛ ɔ́ku ví ɓákókō. Bí tɛ́ɛ́yɛ́ɛ́ vɔ́ á étɔ ecɛ́ŋ yé ɓákókō ɛ́ lōlóó á Ɔ́kɔt (Adiɛ) á mbya 22 sóŋ bisɔmbɔ m̀bú 2014. M̀mú wɛ́ɛ́ á nsɔ́n bí tíéé nyɛ́ á lɛ́: li kɔpɔ lí Éɓaŋgá Ɔ́lolómɛ̄, la li yéglɛ lí lí cii la li sɔ́ŋgɔ lí ɓákókō. Ndí sɔ́ nɛ́ váŋ, mikanʼyɛ micɛ́ŋ mí ɓákókō mísɛ mí byéehɛ́ɛ COCUBA yéŋ evimba nsɔ́n á lípēm. Nyúŋ nsɔ́n wá sálɓɛ, á ŋgí sálɓɛ́gɛ́ ki la akwáá ásɛ. Nyí lɛn, Esaa-líat ɛ́ péná yá pám, ɛ́ lɛ́ kundɛ la ɓot bísɛ, Li kɛ la ɔsú, jam ka 3.000 á ɓot nyí lɛn ág sɔ́ŋgɔ ɓakókō, ŋgandag ki yu tɔ́ɔ á mílɛ̄ɛ̄ mí éyége yé ɓákókō.
Ɓasál
COCUBA ɛ lɛ éjo nsɔ́n yá yé Elog-Mpoʼó. Ag sál á lí yíhɛ lí mpɔ́t á ɓákókō li loole la ŋgɔpɔ Eɓaŋgá Ɔ́lolómɛ̄ ndí la li yéglɛ lí lí cii la li sɔ́ŋgɔ lí ɓákókō, ɛ́h ɓɛ́ ɓé lí vólánɛ lí mam mí mbaŋ. COCUBA ɛ byɛ́ɛ epepá yé ɓásāl, yé ɛ́ byɛ̄ɛ́ ŋkɔtanɛ́ nyɔ́ a pásto la pata ɓayéglɛ à éɓasɛ ɓá bí ŋga wɛ́ɛhɛ nsɔ́n á lí kɔpɔ lí Éɓaŋgá Ɔ́lolómɛ̄ la li yéglɛ lí ɓákókō (ɓáŋ ɓot bísɛ bí lɛ́ jam ka 10), múŋ á yéŋ elɔŋ, bi byɛ́ɛ epepá yé ɓákɔpɔ (5 ɓá ɓá yégé nyúŋ nsɔ́n), bi byɛ́ɛ ɓatimanɛ ŋgɔpɔ (2), ɔku ví ɓákɔ́gɔ (jam ka 10), ɓatimanɛ lisɔ́ŋgɔ (jam ka 10), epepá yé ɓáyéglɛ li cii la lisɔ́ŋgɔ (15 á lítígi lísɛ)... Ka mpɔ́t á ɓákókō á byɛ̄ɛ́ álēmb nyaa nyaa, ǹsɔ́n ɔ́sū a mɓɛ́ lí pɔhɔ lí ɔ́lēmb ví ŋga ɓɔŋle á nyúŋ nsɔ́n: Yakálág nɛ ya pɔ̄hlɛ. Li kɛ la ɔsú, nsɔ́n á ɓáyége mipɔ́t nyú wá yíglé nɛ ɓakókō bí la li ciiɓɛ áka ɛ́ŋga sóomlɛ, li oŋle la ndag nyí mipɔ́t mí Kamelūn. mikétée mí mpɔ́t á ɓákókō mí lɛ́ 27 li oŋle la yé yá kɔtɓɛ́ á nyúŋ nsɔ́n. Li kɛ la ɔsú, li pɔhɔ lí ɓákɔpɔ la esukúlu yáɓá, ndí la bíŋí bíyége bitám bí ŋga kɛ́han la Ensuite a eu lieu le choix des traducteurs, leur formation et plusieurs autres formations misɔ́n mí lí kɔpɔ ndí la li yéglɛ lí ɓákókō.
